Милли мәктәптәрҙең 7-се класында
уҡыған уҡыусылар өсөн мәктәп олимпиадаһы һорауҙары:
1. Булат Рафиҡовтың әҫәрендә барған ваҡиғалар ҡыҫҡа
ғына ни бары бер көн эсендә генә бара. Дөрөҫ яуапты билдәләгеҙ:
а) "Ҡараһаҡал”; в) "Эйәрләнгән ат”;
б) "Көнгәк”; г) "Ахырзаман”?
2. Әхмәтзәки Вәлидиҙең тыуған йылын, көнөн, ерен
яҙығыҙ?
3. Нимә ул тарихи жанр? Был өлкәлә кемдәр ижад иткән?
4. "Йәншишмә” гәзитенең баш мөхәррире кем?
5. Сакмағош районында тыуып үҫкән шағирҙарҙы,
яҙыусыларҙы атағыҙ?
6. Тартынҡы өндән башланған һүҙҙе күрһәтегеҙ:
а) япраҡ;
б) урман;
в) иләк;
г) өйрәк?
7. Һөйләүсенең булып үткән эш-хәлде күреп-белеп
һөйләүен ҡылымдың ниндәй заман формаһы белдерә? Миҫалдар килтерегеҙ.
8. Тегелгән,
уҡылған ҡылымдарының йүнәлешен билдәләгеҙ?
9. Был
донъяла көслө түгел, еңә, балам, түҙемле. Һөйләмдә эйәне табығыҙ, уның ниндәй
һүҙ төркөмөнән килеүен билдәләгеҙ.
10. Ғәйнәләрҙән
һуң Ҡазанға батша грамотаһы артынан Мең ҡәбиләһе вәкилдәре юллана. Һөйләмдән тамыр һүҙ + күплек ялғауы + килеш ялғауы схемаһына тура килгән
һүҙҙе табығыҙ.
Милли мәктәптәрҙең 8-се класында
уҡыған уҡыусылар өсөн мәктәп олимпиадаһы һорауҙары:
1.
Түбәндәге образдар Б.Бикбайҙың ниндәй әҫәренән: Рыҫҡол, Көнһылыу,
Шатморат, Туҡтамыш?
2.
Р.Байымовтың "Сыбар шоңҡар” ("Кречет мятежный”) әҫәрендә
ниндәй тарихи шәхес тураһында һүҙ бара?
3.
Кемдәр ул йырауҙар? Йырауҙарҙан кемдәрҙе атай алаһығыҙ?
4.
В.Исхаҡов ниндәй тарихи шәхестәр тураһында әҫәрҙәр яҙған?
5.
Түбәндәге образдар кемдең ниндәй әҫәренән: шағир, агроном, Әхмәт, Гөлнур?
6.
Ниндәй һүҙҙә баҫым тәүге ижеккә төшә:
а) алмағас;
б) һабантуй;
в) балғалаҡ;
г) көньяҡ?
7.
Түбәндәге һүҙбәйләнештәр нисек атала, мәғәнәләрен
аңлатығыҙ:
Ø ҡуш йөрәкле;
Ø ҡаты күңелле;
Ø таҫма телле;
Ø ике йөҙлө?
8.
Һәнәкте көрәккә
һаплама. Аҫтына һуҙылған һүҙ ниндәй һөйләм киҫәге булып килгән?
9.
Дөрөҫ яҙылған исемде күрһәтегеҙ:
Ø Бресткә;
Ø Донбасста;
Ø Кирилды;
Ø Омскиҙән?
10. Башҡортостан тәбиғәте бик бай. Уның иң ҡәҙерле тәбиғәт
байлыҡтарының береһе – урман… Өҙөктө уҡығыҙ. Йөкмәткеһен аңлап, шул тема буйынса инша
яҙығыҙ. |