Колхоз тарихы!!!
Карьяуды авылында колхоз 1928 елны оеша башлый. Баштагы мәлдә колхозга көчләп кертү бара. Соңыннан халык күпләп керә башлый һәм 1931 елга колхоз тулысынча оешып бетә. Иң элек колхоз "Коммуна 2" дип аталган. Иң беренче рәис булып КАМАЛОВ ХАРИС сайлана. Авылда кулаклар булмый, ләкин берничә кеше колхозга каршы була. Шуларның берсе Төхвәт исемле кеше. аның җитәкчелегендәге бер төркем кешеләр колхоз амбарына ут сала, бозауларны агулыйлар. Колхоз башта 6-8 центнер икмәк ала. Сыерлар саны да 12 генә була. Колхозга беренче тракторлар 1936 нчы елны кайталар.
1958 елда Яңабирде авылы да кушылгач колхоз "Волга" исемен йөретә башлый.
Яңа Карьяуды авылында инкыйлабка кадәр 40 двор, инкыйлабтан соң 70 ләп дворга әйләнә, әле - 128. Авылда әле 365 ләп кеше яши, 223 башкорт, 140 татар, 2 рус. Түбән Карьяудыда 92 хуҗалык, 232 кеше яши: 120 татар, 112 башкорт.
Бу хәтирәләр Камалов Гафан бабайдан (1919-1992) һәм
Латыпов Шахерази (1914-1995) язып алынды.
Хуҗалык рәисләре.
- 1931ел-Беренче авыл хуҗалыгы рәисе итеп Камалов Харис сайлана.
КАМАЛОВ Харис Камал улы 1903 елның 14 мартында Каръяуды авылында туган. Авыл мәктәбендә белем алган. 1929 елда "Икенче Коммуна" колхозы рәисе итеп сайлана (июнь 1929 - декабрь 1930).
Колхоз рәисе булып тагын да 1934-36, 1949-54 елларда эшли. 1930-33, 1936-39, 1942-44 елларда Каръяуды авыл Советы рәисе булып эшли. Бөтенсоюз авыл хуҗалыгы күргәзмәсендә катнаша. күргәзмәнең Дипломы белән бүләкләнә.
Тормыш иптәше Фазыйла Сәетгәрәй кызы белән (1906-85) 7 бала үстерәләр: Халит (1928), Фәрит (1930), Лена (1935), Динә (1938), Илдус (1942), Фәгыйлә (1946), Лилия (1951).
- апрель 1933-сентябрь 1934 - ИСЛАМОВ НУРГАЛИ ИСЛАМ улы.
- 1947 елдан - ФӘХРЕТДИНОВ АВЗАЛ ФӘХРЕТДИН улы.
- 1959 елдан-1966 га кадәр -
ХАФИЗОВ Хаҗгали Харрас улы.
- 1924 елның 1 октябрендә Көсәкәй авылында туган. Колхозлар эреләтелгәч, 1959 елдан "Волга" хуҗалыгы рәисе итеп үрләтелә.Оста җитәкче итеп, бу колхозның барлык тармакларында да алдынгы сафка басуына ирешә.
- 1966-1972 еллада - РИФ ФӘХРЕТДИНОВны колхоз рәйесе итәләр.
- 1972-1980 елларда - Киндеркүл авылында бригадир вазифасын башкарган ЯКУПОВ БАТТАЛ эшли.
- 1980 – 1986 елларда - ЛОКМАНОВ ИЛВИР эшли.
- 1986 – 92 елларда - САЛИМОВ РИМ председатель була.
- 1992 елдан - колхоз председателе булып СУЛЕЙМАНОВ АЗАТ ГАБИТ улы эшли.
